Ժամանակը Երևանում՝ 11:07:36,   20 Հոկտեմբեր

Դատարանը որոշում կայացրեց Պավել Մանուկյանին գրավի դիմաց ազատ արձակելու մասին


ԵՐԵՎԱՆ, 10 ՀՈԿՏԵՄԲԵՐԻ, ԱՐՄԵՆՊՐԵՍ: Երևանի ընդհանուր իրավասության դատարանում ՊՊԾ գնդի գրավման գործով մեղադրյալ Պավել Մանուկյանի պաշտպան Ինեսսա Պետրոսյանը միջնորդեց թույլատրել գրավի կիրառումն իր պաշտպանյալի նկատմամբ՝ որպես այլընտրանքային խափանման միջոց կալանքին: Ինչպես տեղեկացնում է «Արմենպրես»-ը, պաշտպանն առաջարկեց 1 միլիոն ՀՀ դրամ գումար:

Պաշտպանի խոսքով` Պավել Մանուկյանի առողջական վիճակը օրեցօր վատանում է և նա լուրջ բուժման կարիք ունի:

Պավլիկ Մանուկյանը և Արմեն Բիլյանը հայտարարեցին, որ դադարեցնում են հացադուլը` հաշվի առնելով իրենց ընկերոջ Արայիկ Խանդոյանի մահվան հանգամանքը:

Մեղադրող կողմը չառակեց միջնորդությանը:

Դատարանը խորհրդակցական սենյակից վերադառնալուց հետո բավարարեց պաշտպանի միջնորդությունը:

Հոկտեմբերի 3-ին ՊՊԾ գնդի գրավման գործով ամբաստանյալներ Պավել Մանուկյանն ու Արմեն Բիլյանը խափանման միջոց կալանավորումը փոխելու պահանջով հացադուլ էին հայտարարել:




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ