Տիգրան Ուրիխանյանն առաջարկում է տարաժամկետել բուհերում ուսման վարձի վճարումը
10:48, 10 Հոկտեմբեր 2018
ԵՐԵՎԱՆ, 10 ՀՈԿՏԵՄԲԵՐԻ, ԱՐՄԵՆՊՐԵՍ: ԱԺ գիտության, կրթության, մշակույթի, երիտասարդության և սպորտի հարցերով հանձնաժողավի նախագահ Տիգրան Ուրիխանյանը հանդես է եկել օրենսդրական նախաձեռնությամբ, ըստ որի բարձրագույն ուսումնական հաստատությունները պարտավորվում են վճարովի հիմունքներով սովորող ուսանողներին տրամադրել ուսման վարձը ամսական մուծելու տարաժամկետ հնարավորություն։
Ինչպես հաղորդում է «Արմենպրես»-ը, մինչ այժմ պահանջվում էր վարձը մուծել ուսումնական տարվա սկզբից, կամ դիմումի համաձայն երկու մասով կիսամյակի սկզբից, ինչը մեծ դժվարություններ է առաջացնում ուսանողների և նրանց ծնողների համար։
Բաժանորդագրվեք մեր ալիքին Telegram-ում