Երևանում մեկնարկում է գեղասահքի պատանիների աշխարհի գավաթի եզրափակիչ փուլը
18:09, 9 Հոկտեմբեր 2018
ԵՐԵՎԱՆ, 9 ՀՈԿՏԵՄԲԵՐԻ, ԱՐՄԵՆՊՐԵՍ: Հայկական գեղասահքի պատմության մեջ առաջին անգամ բացառիկ իրադարձություն է լինելու հոկտեմբերի 10-ին քաղաքամայր Երևանում մեկնարկող գեղասահքի պատանիների աշխարհի գավաթի եզրափակիչ փուլի անցկացումը:
«Արմենպրես»-ի հաղորդմամբ` Օլիմպիական խաղերի, աշխարհի չեմպիոն Իրինա Ռոդնինայի անունը կրող գեղասահքի մարզադահլիճը կընդունի աշխարհի 41 երկրի շուրջ 220 մարզիկների, ինչն իրապես բացառիկ իրադարձություն է Հայաստանի համար: Գեղասահքի միջազգային ֆեդերացիայի որոշմամբ՝ հենց Հայաստանն է ընտրվել մրցաշարի անցկացման վայր: Ընտրությանը մասնակցել են մոտ 50 երկրի ֆեդերացիաներ:
Հայաստանն այս գավաթի խաղարկությանը կներկայացնեն երեք մենասահորդներ և մեկ պարային զույգ:
Բաժանորդագրվեք մեր ալիքին Telegram-ում