ԵՐԵՎԱՆ, 9 ՀՈԿՏԵՄԲԵՐԻ, ԱՐՄԵՆՊՐԵՍ: Թեհրանի նկատմամբ ԱՄՆ-ի պատժամիջոցների մեծ մասն անարդյունավետ եղան Իրանի Կենտրոնական բանկի (ԿԲ) ջանքերի շնորհիվ: Հոկտեմբերի 9-ին այս մասին հայտարարել Է ԿԲ-ի ղեկավար Աբդոլնասեր Հեմաթին, տեղեկացնում Է «Արմենպրես»-ը:

«Մեր ջանքերն անարդյունավետ դարձրեցին պատժամիջոցների մեծ մասը, եւ այժմ երկիրը բավարար օժանդակություն ունի տնտեսական պատերազմին դիմակայելու համար»,- մեջբերում Է Mehr գործակալությունը Հեմաթիի խոսքը: Նա ընդգծել Է, որ «Իրանը գտնվում Է բարդ իրավիճակում, թշնամիները փորձում են թուլացնել երկրի ժողովրդի համերաշխությունը»:

Հեմաթին շնորհակալություն Է հայտնել գործադիր իշխանությանը Կենտրոնական բանկին աջակցելու համար: «Լիազորությունների հաշվին, որոնք Կենտրոնական բանկին տրամադրել են իշխանության բոլոր երեք ճյուղերրը, մեզ հաջողվում Է արդյունավետորեն գործել երկրի շուկայում»,- ասել Է նա:

Իրանի նախագահ Հասան Ռոուհանին Հեմաթիին Կենտրոնական բանկի ղեկավար Է նշանակել հուլիսի վերջին: Նշանակումը տեղի Է ունեցել երկարատեւ արժութային ճգնաժամի ֆոնին, հաղորդել Է ՏԱՍՍ-ը: