ԱԺ պատգամավոր Արման Սահակյանը կողմ է դեկտեմբերին արտահերթ խորհրդարանական ընտրությունների անցկացմանը
15:47, 8 Հոկտեմբեր 2018
ԵՐԵՎԱՆ, 8 ՀՈԿՏԵՄԲԵՐԻ, ԱՐՄԵՆՊՐԵՍ: Ազգային ժողովի պատգամավոր Արման Սահակյանը կողմ է արտահայտվել դեկտեմբերին արտահերթ խորհրդարանական ընտրությունների անցկացմանը: Ինչպես հաղորդում է «Արմենպրես»-ը, Արման Սահակյանը «Ֆեյսբուք»-ի իր էջում գրառում է կատարել, որում նշել է, որ կողմ է Ազգային ժողովի լուծարմանը:
«Հարգելի հայրենակիցներ, հաշվի առնելով երկրում տիրող ճգնաժամային իրավիճակը, հայտարարում եմ, որ կողմ եմ Ազգային ժողովի լուծարմանը և արտահերթ ընտրությունների անցկացմանը դեկտեմբերին։ Համոզված եմ, որ ինձ հետ կհամաձայնվեն Շիրակի մարզի իմ ընտրողների ճնշող մեծամասնությունը»,- գրել է Սահակյանը։
Արման Սահակյանը ներկայացնում էր ԱԺ ՀՀԿ խմբակցությունը, սակայն հունիսի 2-ին հայտարարեց խմբակցությունը լքելու մասին:
Բաժանորդագրվեք մեր ալիքին Telegram-ում