1000х90.jpg (78 KB)

Երևանում՝ 11:07,   29 Մարտ 2024

Նյու Յորքի քաղաքագլուխը խոստացել է Թրամփից բռնագանձել բոլոր չվճարված հարկերը

Նյու Յորքի քաղաքագլուխը խոստացել է Թրամփից բռնագանձել բոլոր չվճարված հարկերը

ԵՐԵՎԱՆ, 4 ՀՈԿՏԵՄԲԵՐԻ, ԱՐՄԵՆՊՐԵՍ: Նյու Յորքի իշխանությունները կբռնագանձեն այն բոլոր փողերը, որոնք ԱՄՆ-ի նախագահ Դոնալդ Թրամփը կարող Էր լրիվ չվճարել՝ խուսափելով հարկերից: Հոկտեմբերի 3-ին կայացած մամուլի ասուլիսում այս հայտարարությամբ հանդես Է եկել մեգապոլիսի քաղաքագլուխ Բիլ դե Բլազիոն: Մամուլի ասուլիսի հեռարձակումը վարել Է Fox News հեռուստաալիքը, տեղեկացնում Է «Արմենպրես»-ը:

«Նյու Յորքը կձգտի հասնելու այն բոլոր փողերի հատուցմանը, որոնք Դոնալդ Թրամփը պարտք Է քաղաքի բնակչությանը»,- նշել Է քաղաքապետը, որը նախագահ Թրամփի վարչակազմի առավել համոզված քննադատներից մեկն Է: Նա համոզմունք Է հայտնել, որ պետության ղեկավարի հասցեին հարկերի չվճարման մեղադրանքները, որոնք շարադրված են The New York Times թերթի հոդվածում, համապատասխանում են իրականությանը:

Ինչպես պնդել Է հրատարակությունը, Դոնալդ Թրամփն անշարժ գույքի բնագավառում իր հոր կայսրությունից առնվազն 413 միլիոն դոլար Է ստացել ԱՄՆ-ում հարկումից խույս տալու հարցում աջակցության համար: ԱՄՆ-ի նախագահի ծնողները, հրապարակման համաձայն, ընդհանուր առմամբ իրենց զավակներին են տվել ավելի քան 1 միլիարդ դոլար գումարի կանխիկ միջոցներ եւ անշարժ գույք: ԱՄՆ-ում սահմանված 55 տոկոս հարկադրույքի դեպքում հարկը պետք Է կազմեր առնվազն 550 միլիոն դոլար: Մինչդեռ Թրամփներն իրապես վճարել են 52,2 միլիոն դոլարի հարկ (շուրջ 5 տոկոս դրույքաչափով), նշում Է թերթը, հաղորդել Է ՏԱՍՍ-ը:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]