ՀՖՖ-ն շարունակում է բանակցությունները թիմի գլխավոր մարզչի թեկնածուների հետ
17:04, 3 Հոկտեմբեր 2018
ԵՐԵՎԱՆ, 3 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանի ֆուտբոլի ֆեդերացիան շարունակում է բանակցությունները ընտրանու մարզչի թեկնածուների հետ:
Այս մասին «Արմենպրես»-ի հետ զրույցում ասաց ՀՖՖ առաջին փոխնախագահ Արմեն Մելիքբեկյանը: «Բանակցությունները դեռևս ընթացքի մեջ են: Բնականաբար շատ շուտով կներկայացնենք մարզչին: Մենք հասկանում ենք, որ հավաքականը 10 օրից արդեն խաղ ունի, բայց ՀՖՖ նոր կազմը ընտրվեց սեպտեմբերի 22-ին, և այս ժամանակահատվածը աշխատանքի համար շատ կարճ է»,-ասաց Մելիքբեկյանը:
ՀՖՖ առաջին փոխնախագահի խոսքով՝ թեկնածուն մեկը չէ:
Հայաստանի ֆուտբոլի ազգային թիմը Ազգերի լիգայի շրջանակներում հոկտեմբերի 13-ին Երևանում կմրցի Ջիբրալթարի ընտրանու հետ: Իսկ հոկտեմբերի 16-ին` Մակեդոնիայի հավաքականի:
Բաժանորդագրվեք մեր ալիքին Telegram-ում