Ժամանակը Երևանում՝ 11:07:36,   20 Հոկտեմբեր

Սոֆիայում նշվեց Հայաստանի անկախության 27-ամյակը


ԵՐԵՎԱՆ, 26 ՍԵՊՏԵՄԲԵՐԻ, ԱՐՄԵՆՊՐԵՍ: Սեպտեմբերի 25-ին Սոֆիայի «Балкан» հյուրանոցի սրահում Բուլղարիայում ՀՀ դեսպանությունը կազմակերպել էր պաշտոնական ընդունելություն՝ նվիրված Հայաստանի Հանրապետության անկախության 27-րդ տարեդարձին:

Ինչպես «Արմենպրես»-ին տեղեկացրին ՀՀ արտաքին գործերի նախարարության լրատվության և հանրային դիվանագիտության վարչությունից, ընդունելությանը ներկա էին ԲՀ նախագահի աշխատակազմի, Ժողովրդական ժողովի և կառավարության, այդ թվում ԱԳՆ և այլ գերատեսչությունների բարձրաստիճան պաշտոնյաներ, Սոֆիայում հավատարմագրված դեսպաններ, դիվանագիտական կորպուսի ներկայացուցիչներ, հեղինակավոր հասարակական կազմակերպությունների ղեկավարներ և պաշտոնատար այլ անձինք։

Հրավիրվածների շարքում էին Բուլղարիայի հայկական համայնքային կառույցների ղեկավարներ և ներկայացուցիչներ, հոգևոր հայրեր, հայազգի հասարակական և մշակութային հայտնի գործիչներ, գործարարներ։

Միջոցառմանը շնորհավորական ուղերձով հանդես է եկել Բուլղարիայում ՀՀ դեսպան Արմեն Սարգսյանը: Նշելով Հայաստանում տեղի ունեցած և դեռևս կայանալիք կարևոր իրադարձությունները՝ դեսպան Սարգսյանն անդրադարձել է Հայաստանի անկախության վերականգման, Հայաստանի առաջին Հանրապետության ստեղծման 100-ամյակին, ինչպես նաև Երևանի հիմնադրման 2800-ամյակին նվիրված միջոցառումներին: Նա կարևորել է  Երևանում «Ապրել միասին» կարգախոսի ներքո կայանալիք Ֆրանկոֆոնիայի միջազգային կազմակերպության գագաթաժողովը:

Դեսպան Սարգսյանն անդրադարձել է նաև Հայաստանի ներքաղաքական իրադարձություններին՝ սիրո և համերաշխության հեղափոխությանը, ինչպես նաև ՀՀ արտաքին քաղաքականության հիմնահարցերին:

Պաշտոնական մասի ավարտին հայկական երգերով հանդես են եկան բուլղարահայ հայտնի երգիչներ Հայկաշոտ Աղասյանն ու Արթուր Նադոսյանը, հայկական պարերով ելույթ է ունեցել Սոֆիայի «Նաիրի» պարային համույթը:




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ