Apple-ի առաջին համակարգիչներից մեկն աճուրդում վաճառվել Է 375 հազար դոլարով
13:32, 26 Սեպտեմբեր 2018
ԵՐԵՎԱՆ, 26 ՍԵՊՏԵՄԲԵՐԻ, ԱՐՄԵՆՊՐԵՍ: 1976 թվականի թողարկման Apple I 200 համակարգիչներից մեկն աճուրդում վաճառվել Է 375 հազար դոլարով: Այդ մասին, ինչպես տեղեկացնում Է «Արմենպրես»-ը, հայտնել Է MarketWatch հրատարակությունը:
Աճուրդի ներկայացուցիչները հրաժարվել են բացահայտնել վաճառողի եւ գնորդի անունները: Նշվում Է, որ Apple I մոդելի առաջին 200 անձնական համակարգիչները Սթիվ Ջոբսի եւ Սթիվ Վոզնյակի կողմից ստեղծվել են Apple Computer ընկերության գոյության արշալույսին: Վաճառված լոտը՝ 16 օրիգինալներից մեկը, մինչ այժմ աշխատում Է:
2014 թվականին Christie՚s-ի աճուրդում վաճառվել Է Apple I շարքի մեկ այլ նմուշ: Լոտը գնահատել Էին 365 հազար դոլար, հաղորդել Է «Ինտերֆաքս»-ը:
Բաժանորդագրվեք մեր ալիքին Telegram-ում