Ժամանակը Երևանում՝ 11:07:36,   20 Հոկտեմբեր

Բացահայտվել է հանցագործության 42 դեպք


ԵՐԵՎԱՆ, 25 ՍԵՊՏԵՄԲԵՐԻ, ԱՐՄԵՆՊՐԵՍ: Ըստ ոստիկանության օպերատիվ հաղորդագրությունների ամփոփագրերի` սեպտեմբերի 24-ից 25-ը ՀՀ ոստիկանության տարբեր ստորաբաժանումների կողմից բացահայտվել է հանցագործության 42 դեպք։

«Արմենպրես»-ին այս մասին տեղեկացրին ոստիկանության լրատվության և հասարակայնության հետ կապերի վարչությունից, մասնավորապես՝ մարմնական վնասվածք հասցնելու 11, անձնական ունեցվածքի գողության և խարդախության 6-ական, ընտրական իրավունքի խախտման 4, յուրացման կամ վատնման, թմրամիջոցի հայտնաբերման և սպանության սպառնալիքի 2-ական, բռնաբարության փորձի, անձի առևանգման, հարկերից խուսափելու, պաշտոնեական լիազորությունների չարաշահման, պաշտոնեական կեղծիքի կամ անփութության, մարդու թրաֆիքինգի կամ շահագործման, ինքնիրավչության, մշակումն արգելված թմրանյութեր պարունակող բույսեր ապօրինի ցանելու կամ աճեցնելու և ծեծի 1-ական դեպք: 

Հայտնաբերվել է 2 անհետ կորած, 5 հետախուզվող, ինչպես և կամավոր ներկայացել է 1-ը: Նախկինում կատարված հանցագործություններից բացահայտվել է ավտոմեքենա փախցնելու, վրաերթի և մարմնական վնասվածք հասցնելու 1-ական դեպք:

Անցած 1 օրվա ընթացքում հանրապետությունում արձանագրվել է ճանապարհատրանսպորտային 12 պատահար, ինչի հետևանքով 1 մարդ զոհվել է, 15-ը՝ ստացել տարբեր աստիճանի մարմնական վնասվածքներ:




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ