Ժամանակը Երևանում՝ 11:07:36,   10 Դեկտեմբեր

Թրամփի և Կիմ Չեն Ընի հանդիպումը կարող է կայանալ «բավական շուտ»


ԵՐԵՎԱՆ, 24 ՍԵՊՏԵՄԲԵՐԻ, ԱՐՄԵՆՊՐԵՍ: ՄԱԿ-ի Գլխավոր ասամբլեայի 73-րդ նստաշրջանի շրջանակում ԱՄՆ նախագահ Դոնալդ Թրամփը հայտարարել է, որ իր երկրորդ հանդիպումը ԿԺԴՀ-ի առաջնորդ Կիմ Չեն Ընի հետ կարող է կայանալ «բավական շուտ»: Ինչպես հաղորդում է «Արմենպրես»-ը՝ հղում կատարելով ՏԱՍՍ-ին, այս մասին տեղեկացնում է «France-Presse»-ը:

«Ես այնպիսի զգացողություն ունեմ, որ մենք երկրորդ գագաթնաժողովը կանցկացնենք բավական շուտ»,- ասել է Թրամփը: «Associated Press»-ի տեղեկություններով, Թրամփը ավելացրել է, որ պետքարտուղար Մայքլ Պոմպեոն զբաղվում է այդ հանդիպման մանրամասներով: ԱՄՆ առաջնորդը նշել է նաև, որ ԿԺԴՀ-ի հետ հարաբերությունները վերջին շրջանում նշանակալի բարելավվել են: «Դա եղել է այլ աշխարհ, դա եղել է վտանգավոր շրջան, մեկ տարի անց բոլորովին այլ իրավիճակ է»,- ասել է Թրամփը:

Հունիսի 12-ին Սինգապուրում կայացել է ԱՄՆ-ի և ԿԺԴՀ-ի առաջնորդների հանդիպումը: Հանդիպման արդյունքում երկու երկրների ղեկավարները ընդունել են հայտարարություն:




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ