Դավիթ Տոնոյանը Մուրացանի հոսպիտալում այցելել է նախօրեին վիրավորված զինվորին
16:13, 24 Սեպտեմբեր 2018
ԵՐԵՎԱՆ, 24 ՍԵՊՏԵՄԲԵՐԻ, ԱՐՄԵՆՊՐԵՍ: ՀՀ Պաշտպանության նախարար Դավիթ Տոնոյանը սեպտեմբերի 24-ին, այցելել է Մուրացանի կենտրոնական հոսպիտալ:
«Արմենպրես»-ի հաղորդմամբ՝ նախարարն առաջինը տեսակցել է նախօրեին առաջնագծում վիրավորված զինծառայող շարքային Արթուր Գևորգյանին:
Արթուրի առողջական վիճակի մասին նախարար Դավիթ Տոնոյանը խոսել է բժիշկների հետ, հանդիպել ծնողներին։ Արթուրի վիճակը ներկայումս կայուն է։
Դավիթ Տոնոյանը շրջել է հոսպիտալում, հանդիպել այլ հիվանդների, Ռազմաբժշկական վարչության (ՌԲՎ) պետ Գայանե Հովհաննիսյանի և հոսպիտալի պետի հետ քննարկել հոսպիտալում բուժման կազմակերպման վերաբերյալ հարցեր։
Բաժանորդագրվեք մեր ալիքին Telegram-ում