ԵՐԵՎԱՆ, 24 ՍԵՊՏԵՄԲԵՐԻ, ԱՐՄԵՆՊՐԵՍ: Մոլդովայի Սահմանադրական դատարանը նախագահ Իգոր Դոդոնին ժամանակավորապես հեռացրել Է զբաղեցրած պաշտոնից: Այս որոշումը Սահմանադրական դատարանը սեպտեմբերի 24-ին ընդունել Է Դեմոկրատական կուսակցությունից պատգամավորների պահանջով:

Որոշումն ուղղված Է այն բանին, որ խորհրդարանի նախագահին՝ որպես նախագահի պաշտոնակատարի, հնարավորություն ընձեռվի ստորագրել առողջապահության, սոցիալական պաշտպանության եւ ընտանիքի նախարարի, ինչպես նաեւ գյուղատնտեսության, տարածաշրջանային զարգացման եւ շրջակա միջավայրի պահպանության նախարարի նշանակման հրամանագիրը: Դոդոնը կրկնակի հրաժարվել Է այդ պաշտոններում նշանակել վարչապետի առաջարկած թեկնածուներին:

Օրենսդրության համաձայն, նախագահն իրավունք ունի մերժել վարչապետի առաջարկած թեկնածությունները, բայց միայն մեկ անգամ: Նույն թեկնածուների կրկնական առաջադրման դեպքում նա պարտավոր Է ստորագրել նշանակման հրամանագիրը: Եթե նախագահը կրկնական առաջադրումից հետո Էլ չստորագրի հրամանագիրը, ապա նրա համապատասխան լիազորություններն անցնում են խորհրդարանի նախագահին, որը նախագահի փոխարեն կարող Է ստորագրել հրամանագրերը, հաղորդել Է «Ինտերֆաքս»-ը: