Ժամանակը Երևանում՝ 11:07:36,   22 Հոկտեմբեր

Քվեարկության ընթացքում ոստիկանությունն արձանագրել է իրավախախտման 84 տեղեկություն


ԵՐԵՎԱՆ, 23 ՍԵՊՏԵՄԲԵՐԻ, ԱՐՄԵՆՊՐԵՍ: Երևանի ավագանու արտահերթ ընտրությունների քվեարկության ողջ ընթացքում ոստիկանության կողմից արձանագրվել է իրավախախտման 84 տեղեկություն: «Արմենպրես»-ի փոխանցմամբ՝ այս մասին սեպտեմբերի 23-ին ՀՀ կենտրոնական ընտրական հանձնաժողովում լրագրողների հետ զրույցում ասաց ՀՀ ոստիկանության պետի աշխատակազմի ղեկավար Մերուժան Հակոբյանը:

«Դրանցից 8-ը՝ կաշառք տալու, կաշառք ստանալու, ընտրողի ընտրության իրավունքի ազատ կամքի խոչընդոտելու դեպքեր են, 2-ը՝ ընտրական իրավունքի իրականացման, 1 դեպք` լրագրողի մասնագիտական գործունեությունը խոչընդոտելու, 3-ը՝ քվեարկության գաղտնիության խախտման, 9 դեպք՝ մեկից ավել կամ այլ անձի փոխարեն քվեարկելու, 19-ը՝ ընտրացուցակների անճշտություններ, 1 լցոնման դեպք և 23 տարբեր բնույթի ընտրախախտումներ»,- նշեց Հակոբյանը:

Նրա խոսքով՝ դեպքերից 18-ի առթիվ նյութեր են նախապատրաստվում: Մնացած բոլորով դեպքերով կատարվում են ստուգումներ, որոնց մասին կտրվի լրացուցիչ տեղեկատվություն:

Մինչ ընտրության օրը արձանագրվել էր իրավախախտման 93 դեպք:

Ժամը 20:00-ին փակվել են ընտրական բոլոր տեղամասերը, քվեարկությունն ավարտվել է:




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ