ԵՐԵՎԱՆ, 20 ՍԵՊՏԵՄԲԵՐԻ, ԱՐՄԵՆՊՐԵՍ: Հռոմի Ֆրանցիսկոս պապը հորդորել Է երիտասարդ կաթոլիկներին՝ հարգել ծնողներին, իրենց եւ ուրիշների: Քահանայապետը գլխավորել Է Վատիկանի Սուրբ Պետրոսի հրապարակում ավանդական ընդհանուր ունկնդրությունը: Այդ մասին, ինչպես տեղեկացնում Է «Արմենպրես»-ը, հայտնել Է պապի մամուլի ծառայությունը: Ֆրանցիսկոսը հերթական քարոզը նվիրել Է աստվածաշնչյան չորրորդ՝ «Հարգիր հորդ ու մորդ» պատվիրանին:

Նա, մասնավորապես, հորդորել Է «չվատաբանել» այն մարդկանց, որոնք կյանք են պարգեւել: «Եթե դու հեռացել ես քո ծնողներից, ջանքեր գործադրիր եւ վերադարձիր նրանց մոտ. հիշիր, որ նրանք քեզ կյանք են պարգեւել»,-հայտարարել Է Հռոմի քահանայապետը:

Նա հիշեցրել Է վիրավորանքներ հասցնելու եւ զազրախոսելու գոյություն ունեցող սովորության մասին: «Խնդրում եմ՝ երբեք մի վիրավորեք ձեր եւ ուրիշների ծնողներին… Այսօրվանից ձեզ համար այդպիսի ներքին որոշում ընդունեք»: «Ծնողներին մեծարելը նշանակում Է ընդունել նրանց կարեւորությունը եւ կապը այնպիսի զգացմունքների հետ, ինչպիսիք են՝ սերը, նվիրվածությունը եւ հոգատարությունը»,- ասել Է Ֆրանցիսկը, հաղորդել Է ՏԱՍՍ-ը: