Վախճանվել Է բալետի ամերիկացի արտիստ Արթուր Միթչելը
13:08, 20 Սեպտեմբեր 2018
ԵՐԵՎԱՆ, 20 ՍԵՊՏԵՄԲԵՐԻ, ԱՐՄԵՆՊՐԵՍ: Կյանքի 85-րդ տարում վախճանվել Է բալետի ամերիկացի արտիստ եւ խորեոգրաֆ Արթուր Միթչելը: Այդ մասին, ինչպես տեղեկացնում Է «Արմենպրես»-ը, սեպտեմբերի 19-ին հաղորդվում Է Հառլեմի պարի թատրոնի Facebook-յան Էջում:
«Մենք խորը վշտով ձեզ հայտնում ենք, որ մեր թատրոնը հիմնած գեղարվեստական ղեկավարը՝ մեծն Արթուր Միթչելը, հեռացել Է կյանքից»,-ասված Է հաղորդագրության մեջ:
The Washington Post թերթի տվյալներով՝ խորեոգրաֆը սեպտեմբերի 19-ին մահացել Է Նյու Յորքի հիվանդանոցներից մեկում: Արտիստի զարմուհու խոսքով՝ նրա մահվան պատճառը դարձել Է երիկամների անբավարարությունը:
Արթուր Միթչելը դարձել Է ամերիկյան խոշորագույն բալետային խմբի՝ «Նյու Յորք Սիթի բալետ»-ի առաջին սեւամորթ մենակատարը: 1969 թվականին Քարել Շուքի հետ միասին նա հիմնադրել Է Հառլեմի պարի թատրոնը եւ դարձել նրա գեղարվեստական ղեկավարը, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում