«Փյունիկ»-ը գերազանցեց «Ալաշկերտ»-ին
17:10, 19 Սեպտեմբեր 2018
ԵՐԵՎԱՆ, 19 ՍԵՊՏԵՄԲԵՐԻ, ԱՐՄԵՆՊՐԵՍ: Ֆուտբոլի Հայաստանի առաջնության երկրորդ տուրից հետաձգված «Փյունիկ»-«Ալաշկերտ» խաղում առավել ուժեղ էին «փյունիկցիները»:
«Արմենպրես»-ի հաղորդմամբ` «Փյունիկ»-ի ֆուտբոլիստներին հաջողվեց առաջինը հանդիպման հաշիվը բացել: Խաղի 16-րդ րոպեին աչքի ընկավ Պետրոս Ավետիսյանը: Այնուհետ` 63-րդ րոպեին «Ալաշկերտ»-ից նշաակված 11 մետրանոց հարվածն անվրեպ իրացրեց Ղուկաս Պողոսյանը: Բայց 74-րդ րոպեին «Փյունիկ»-ի համար հաղթական գնդակ հեղինակեց Մասիմ Ժեստոկովը:
Այս հաղթանակից հետո «Փյունիկ»-ն ունի 15 միավոր և մրցաշարային աղյուսակում բարձրացավ երկրորդ հորիզոնական: Առաջատարը «Լոռի»-ն է 16 միավորով:
Բաժանորդագրվեք մեր ալիքին Telegram-ում