Կվերանորոգվի Մովսես գյուղ տանող ճանապարհը
13:22, 19 Սեպտեմբեր 2018
ԵՐԵՎԱՆ, 19 ՍԵՊՏԵՄԲԵՐԻ, ԱՐՄԵՆՊՐԵՍ: Տավուշի մարզի սահմանամերձ Մովսես գյուղ տանող ճանապարհը կբարեկարգվի:
«Արմենպրես»-ի հաղորդմամբ` այս մասին տարածքային կառավարման և զարգացման ոլորտի ընթացիկ աշխատանքների ամփոփմանը նվիրված մամուլի ասուլիսի ժամանակ ասաց ՀՀ տարածքային կառավարման և զարգացման նախարար Սուրեն Պապիկյանը:
Նրա խոսքով` ծրագիրը իրականություն է դառնալու ի շնորհիվ Մովսես գյուղի երկու ռուսաստանաբնակ բնակիչների 200 հազար դոլար ներդրման: «Այս պահին միջոցները թույլ չեն տալիս, որ նախարարությունը համաֆինանսավորի այդ ծրագիրը, բայց մենք ամեն ինչ անելու ենք, որ մեր հայրենակիցների հայրենանվեր քայլը իրականություն դառնա»,-ասաց նա:
Բաժանորդագրվեք մեր ալիքին Telegram-ում