Ժամանակը Երևանում՝ 11:07:36,   14 Դեկտեմբեր

Ստամբուլի 3-րդ օդանավակայանի շինարարական աշխատանքներում 37 բանվոր է զոհվել


ԵՐԵՎԱՆ, 18 ՍԵՊՏԵՄԲԵՐԻ, ԱՐՄԵՆՊՐԵՍ: Ստամբուլի 3-րդ օդանավակայանի շինարարական աշխատանքների ընթացքում, աշխատանքային ծանր պայմանների և դժբախտ պատահարների հետևանքով զոհվել է 37 բանվոր:

Այս մասին, ինչպես հաղորդում է «Արմենպրես»-ը, հայտնում է թուրքական gazeteduvar.com.tr-ը:

Որպես աշխատանքային ծանր պայմաններ նշվում են՝ վատ սնունդը, ծանր աշխատանքային գրաֆիկը, կացարանային վատ պայմանները:

Բանվորները նախորդ շաբաթ կազմակերպված բողոքի ակցիայի ժամանակ նշել են, որ աշխատանքային օրերին իրենց տրամադրված ուտելիքը շատ քիչ և անորակ է եղել, ոչ ստամբուլաբնակ բանվորներին հատկացված կացարանները եղել են շատ վատը:

Բողոքի ակցիայի մասնակից հարյուրավոր բանվորներ գիշերով բերման էին ենթարկվել ոստիկանական բաժանմունքներ:

 




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ