Նպատակը «փակելն» է բոլոր նրանց, ովքեր ոճրագործություն են գործել Մարտի 1-ին. Փաշինյանը հակադարձել է Քոչարյանի հայտարարությանը
ԵՐԵՎԱՆ, 13 ՍԵՊՏԵՄԲԵՐԻ, ԱՐՄԵՆՊՐԵՍ: ՀՀ վարչապետ Նիկոլ Փաշինյանը հակադարձել է սեպտեմբերի 11-ին Yerevan.Today-ի հետ հարցազրույցում ՀՀ երկրորդ նախագահ Ռոբերտ Քոչարյանի հայտարարությանը, ըստ որի իշխանության նպատակը ոչ թե Մարտի 1-ը բացահայտելն է, այլ՝ իրեն «փակելը»:
«Քոչարյանը հայտարարել է, թե գաղտնալսված հեռախոսազրույցը ցույց տվեց, որ իշխանության նպատակը ոչ թե Մարտի 1-ը բացահայտելն է, այլ՝ իրեն «փակելը»,- լրագրողի հարցին ի պատասխան ՀՀ վարչապետն ասաց.
«Նպատակը «փակելն» է բոլոր նրանց, ովքեր ոճրագործություն են գործել Մարտի 1-ին»:
YouTube–ում հրապարակվել է Ազգային անվտանգության տնօրեն Արթուր Վանեցյանի և Հատուկ քննչական ծառայության պետ Սասուն Խաչատրյանի հեռախոսազրույցի գաղտնալսված ձայնագրությունը: Ձայնագրության մեջ խոսվում է Մարտի 1-ի գործի ու դրանում ՀՀ երկրորդ նախագահ Ռոբերտ Քոչարյանի, ՀԱՊԿ գլխավոր քարտուղար Յուրի Խաչատուրովի, պաշտպանության նախկին նախարարներ Միքայել Հարությունյանի, Սեյրան Օհանյանի ներգրավման, նրանց պատասխանատվության ենթարկելու անհրաժեշտության մասին:
Բաժանորդագրվեք մեր ալիքին Telegram-ում