Չինաստանում ինը մարդ Է զոհվել այն բանից հետո, երբ ավտոմեքենան վրաերթի Է ենթարկել բազմությանը
10:06, 13 Սեպտեմբեր 2018
ԵՐԵՎԱՆ, 13 ՍԵՊՏԵՄԲԵՐԻ, ԱՐՄԵՆՊՐԵՍ: Չինաստանում ինը մարդ Է զոհվել այն բանի հետո, երբ ավտոմեքենան Հունանի նահանգի Հենյան քաղաքի հրապարակում վրաերթի Է ենթարկել մարդկանց բազմությանը: Այդ մասին, ինչպես տեղեկացնում Է «Արմենպրես»-ը, գրել Է Global Times հրատարակությունը: Տուժածների թիվը հասնում Է 46-ի:
Միջադեպը տեղի Է ունեցել սետեմբերի 12-ի երեկոյան, երբ մարդիկ հավաքվել Էին հրապարակում, ինչպես դա ընդունված Է չինական քաղաքներում, որպեսզի պարեն ու զվարճանան:
Կարմիր ամենագնացն անհայտ պատճառով մխրճվել Է մարդկանց բազմության մեջ: Յան Ցզանյուն անունով վարորդը ձեռբաալված Է, նրա դրդապատճառները դեռեւս հայտնի չեն: Հաղորդվել Է, որ տղամարդը քանիցս դատված Է եղել:
Տեղական ԶԼՄ-ները գրում են, որ ձերբակալվածը հիվանդ Է քաղցկեղով եւ «չարացած Է հասարակության վրա», ինչը կարող Էր նման արարքի պատճառ դառնալ: Մինչդեռ այս տեղեկություններն առայժմ ոչ մի կերպ պաշտոնապես չեն հաստատվում, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում