Ժամանակը Երևանում՝ 11:07:36,   20 Նոյեմբեր

ՀՀ վարչապետն ու Միկաել Ժանը կբացեն Ֆրանկոֆոն հասարակական կազմակերպությունների ֆորումը


ԵՐԵՎԱՆ, 12 ՍԵՊՏԵՄԲԵՐԻ, ԱՐՄԵՆՊՐԵՍ: ՀՀ վարչապետ Նիկոլ Փաշինյանն ու Ֆրանկոֆոնիայի միջազգային կազմակերպության գլխավոր քարտուղար Միկաել Ժանը սեպտեմբերի 12-ին կբացեն Ֆրանկոֆոն հասարակական կազմակերպությունների ֆորումը:

«Արմենպրես»-ի փոխանցմամբ՝ այս մասին սեպտեմբերի 12-ին տեղի ունեցած մամուլի ասուլիսում լրագրողներին հայտնեց ՀՀ ԱԳՆ մամուլի խոսնակ Տիգրան Բալայանը:

«Այսօր տիկին Ժանը և Նիկոլ Փաշինյանը բացում են Ֆրանկոֆոն հասարակական կազմակերպությունների ֆորումը, որին մասնակցում են շուրջ 200 ՀԿ ներկայացուցիչներ ֆրանկոֆոն երկրներից և գրեթե բոլոր մայրցամաքներից»,- ասաց Բալայանը:

Այսօր կավարտվի «Ապրենք միասին կայուն զարգացող միջավայրում» և «Ներգրավված հասարակություն» խորագրերով ֆրանկոֆոն երիտասարդական երկօրյա համաժողովը, որին մասնակցում են ֆրանկոֆոն երիտասարդներ հայաստանյան բուհերից և հասարակական կազմակերպություններից: Ֆորումը կազմակերպվել էր Ֆրանկոֆոն երիտասարդական խորհրդարանի, Արտգործնախարարության և Picsart ընկերության հայաստանյան մասնաճյուղի համագործակցությամբ:




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ