1000х90.jpg (78 KB)

Երևանում՝ 11:07,   29 Մարտ 2024

«Շանթ-2018». Զորավարժության սցենարով պայմանական հակառակորդը սրել է իրավիճակը սահմանին

«Շանթ-2018». Զորավարժության սցենարով պայմանական հակառակորդը սրել է 
իրավիճակը սահմանին

ԵՐԵՎԱՆ, 11 ՍԵՊՏԵՄԲԵՐԻ, ԱՐՄԵՆՊՐԵՍ: «Շանթ-2018» հրամանատարաշտաբային զորավարժության սցենարի համաձայն պայմանական հակառակորդը գործողություններ է սկսել սահմանին: «Արմենպրես»-ի փոխանցմամբ՝ ՀՀ պաշտպանության նախարարությունում լրագրողների հետ զրույցում այս մասին հայտնեց պաշտպանության նախարարի մամուլի խոսնակ Արծրուն Հովհաննիսյանը:

«14:00-ի դրությամբ, ըստ սցենարի, տարածաշրջանում սրվել է դրությունը, սահմանին կուտակումներ կան: Պայմանական հակառակորդն անցել է կտրուկ գործողությունների, երկու կողմից զոհեր ունենք: Հիմա որոշակի գործողություններ են ընթանում: Փախստականների մեծ հոսքի վտանգ կա, որի ընթացքում Հայաստան ահաբեկիչներ կարող են ներխուժել»,- ասաց Հովհաննիսյանը:

Արծրուն Հովհաննիսյանի խոսքով՝ զորավարժության ընթացքում լինելու են նաև այլ պայմանական աղետային իրավիճակներ:

Հանրապետությունում տիրող օպերատիվ իրավիճակի մասին ժամանակ առ ժամանակ կտեղեկացվի: Հաջորդ ճեպազրույցը տեղի կունենա 16:00-ին:

Համապետական նշանակության «Շանթ-2018» զորավարժությունը պլանային բնույթի է և նպատակաուղղված է պաշտպանությանը պետության անմիջական նախապատրաստության և ագրեսիայի հետմղման ընթացքում պետական և ռազմական կառավարման մարմինների զորահավաքային նախապատրաստության, պատրաստականության բարձր աստիճանների բերման ունակության վերստուգմանը, փոխգործակցության և գործողությունների ներդաշնակության մակարդակի բարձրացմանը: Հաշվի առնելով Հայաստանի շուրջ և մերձատարածքում ստեղծված ռազմաքաղաքական իրադրությունը, զորավարժության սցենարում առկա մտացածին հակառակորդը և իրավիճակը առավելապես համապատասխանեցված են իրականությանը:

 

 


Բաժանորդագրվեք մեր ալիքին Telegram-ում


Այս թեմայով





youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]