Արամ Հակոբյանը և Մանուէլ Պետրոսյանը առաջատարից հետ են մեկական միավորով
10:43, 11 Սեպտեմբեր 2018
ԵՐԵՎԱՆ, 11 ՍԵՊՏԵՄԲԵՐԻ, ԱՐՄԵՆՊՐԵՍ: Թուրքիայի Գեբզե քաղաքում շարունակվող աշխարհի մինչև 20 տարեկանների առաջնությունում կայացան 6-րդ տուրի պարտիաները:
«Արմենպրես»-ի հաղորդմամբ` Հայաստանի ներկայացուցիչներից Արամ Հակոբյանը կիսեց միավորը: Անակնկալ պարտություն կրեցին Հայկ Մարտիրոսյանը և Շանթ Սարգսյանը: Այս տուրում միայն Մանուէլ Պետրոսյանը հաղթանակ տարավ:
4,5 միավոր ունեն և առաջատարներից մեկական միավորով հետ են Արամ Հակոբյանը և Մանուէլ Պետրոսյանը: Մրցաշարի առաջատարները Իրանի ներկայացուցիչ Պարհամ Մաղսուդլուն և ուզբեկ Ջավոխիր Սինդարովն են: Նրանք ունեն 5,5-ական միավոր:
Շախմատի մինչև 20 տարեկանների աշխարհի առաջնությանն այս տարի մասնակցում է 165 շախմատիստ: Մրցաշարի ավարտին մնացել է 5 տուր:
Բաժանորդագրվեք մեր ալիքին Telegram-ում