Թուրք-հունական սահմանը խախտած թուրք զինվորներ են ձերբակալվել
11:31, 10 Սեպտեմբեր 2018
ԵՐԵՎԱՆ, 10 ՍԵՊՏԵՄԲԵՐԻ, ԱՐՄԵՆՊՐԵՍ: Սահմանը խախտելու պատճառով Հունաստանի տարածքում երկու թուրք զինվոր է ձերբակալվել:
Այս մասին, ինչպես հաղորդում է «Արմենպրես»-ը, հայտնում է թուրքական Diken պարբերականը:
Թուրք զինվորները ձերբակալված են մնացել 7 ժամ, ապա ազատ են արձակվել:
Զինվորները պնդել են, որ սահմանը հատել են անզգուշորեն, նրանց զինվորական կոչումների վերաբերյալ մանրամասներ դեռևս հրապարակված չեն:
Մարտին թուրք-հունական սահմանը հատելու պատճառով Թուրքիայում ձերբակալվել էին երկու հույն զինվորականներ, որոնք մեղադրվում էին պետական սահմանը անօրինական հատելու և լրտեսական գործունեություն իրականացնելու մեջ:
Շաբաթներ առաջ Թուրքիայում ձերբակալված հույն զինվորականները նույնպես ազատ էին արձակվել:
Բաժանորդագրվեք մեր ալիքին Telegram-ում