Արամ Հակոբյանը շախմատի Մ20 տարեկանների առաջնությունում 1 միավորով է հետ առաջատարից
01:44, 10 Սեպտեմբեր 2018
ԵՐԵՎԱՆ, 10 ՍԵՊՏԵՄԲԵՐԻ, ԱՐՄԵՆՊՐԵՍ: Շախմատի Հայաստանի հավաքականի անդամները շարունակում են ելույթներն աշխարհի Մ20 տարեկանների առաջնությունում:
«Արմենպրես»-ի հաղորմամբ՝ մրցաշարի 5-րդ տուրում անսպասելի պարտություն կրեց Հայկ Մարտիրոսյանը: Մանուէլ Պետրոսյանը, Շանթ Սարսգյանը կիսեցին միավորը մրցակցի հետ: Հաղթանակ տոնեց Արամ Հակոբյանը:
Այս տուրից հետո մրցաշարի առաջատարից մեկ միավորով հետ է մնում Արամ Հակոբյանը:
Շախմատի մինչև 20 տարեկանների աշխարհի առաջնությունն այս տարի անցկացվում է Թուրքիայի Գեբզե քաղաքում: Մրցաշարին մասնակցում են 165 շախմատիստներ:
Բաժանորդագրվեք մեր ալիքին Telegram-ում