Հայաստանը Սիրիայում հումանիտար առաքելություն կիրականացնի
18:59, 9 Սեպտեմբեր 2018
ԵՐԵՎԱՆ, 9 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանը Սիրիայում հումանիտար առաքելություն կիրականացնի՝ ի աջակցություն Հալեպում հայկական համայնքի: Ինչպես հաղորդում է «Արմենպրես»-ը, «Իմ քայլը հանուն Տավուշի» ներդրումային համաժողովի ավարտից հետո լրագրողների հետ զրույցում այս մասին հայտնեց ՀՀ վարչապետ Նիկոլ Փաշինյանը:
«Պաշտպանության նախարարության մասնագետների խումբը Սիրիայում գործելու է Հայաստանի Հանրապետության դրոշի ներքո: Գործողությունը լինելու է հումանիտար: Խոսքը բժիշկների և հումանիտար ականազերծման մասնագետների մասին է, ովքեր հումանիտար առաքելություն են իրականացնելու՝ ի աջակցություն հայ համայնքի»,- ընդգծեց ՀՀ վարչապետը:
Բաժանորդագրվեք մեր ալիքին Telegram-ում