Ժամանակը Երևանում՝ 11:07:36,   26 Սեպտեմբեր

Կիեւում նշել են Ուկրաինայի հնագույն հայկական եկեղեցիներից մեկի տոնը


ԵՐԵՎԱՆ, 9 ՍԵՊՏԵՄԲԵՐԻ, ԱՐՄԵՆՊՐԵՍ: Կիեւում Ուկրաինայի հայ երիտասարդության միության նախաձեռնությամբ սեպտեմբերի 8-ին նշվել է Աստվածածնի ծննդյան եկեղեցու տոնը, որը նախկինում գոյություն ուներ Պոդոլում, «Արմենպրես»-ի տեղեկացմամբ՝  հաղորդում է AnalitikaUA.net-ը:

Տոնակատարությանը մասնակցել են Ուկրաինայի բազմաթիվ շրջաններից հայկական երիտասարդական կազմակերպությունների, Կիեւի համայնքի եւ «Ուկրաինայի հայերը» քաղաքացիական պլատֆորմի ներկայացուցիչները:

Եկեղեցական օրն Ուկրաինայի հայ երիտասարդության միության ներկայացուցիչները, Սրբոց Նահատակաց հայկական մատուռի քահանա Կարապետ Գարիբյանի հետ այցելել են Պոդոլ, որտեղ հուշաքարի մոտ ծաղիկներ են դրել եւ աղոթք կարդացել:

Ըստ աղբյուրի՝ Ուկրաինայի հայերի միությունը ակտիվորեն աշխատում է ազգային պատմական արժեքների տարածման ուղղությամբ. ինչպես նշել է Ուկրաինայի հայերի միության նախագահ Վիլեն Շատվորյանը, յուրաքանչյուր պատմական եւ մշակութային օբյեկտ մեզ համար կարեւոր է. «Մենք հպարտ ենք Ուկրաինայի հայերի հարուստ մշակութային եւ պատմական ժառանգությամբ եւ կանենք հնարավորը` պատմական, ճարտարապետական եւ մշակութային ժառանգությունը պահպանելու եւ տարածելու համար»:




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ