Անդրե Չալըշըրը Լիխտենշտեյնի դեմ տոնած հաղթանակի մասին
ԵՐԵՎԱՆ, 7 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի ֆուտբոլի ազգային թիմի նորեկ Անդրե Չալըշըրը կարևորում է Մակեդոնիայի դեմ առաջիկա հանդիպումը:
«Իմ կարծիքով նորմալ խաղ ստացվեց: Լավ մեկնարկ ունեցան և ճնշում էինք մրցակցին նաև գոլ խփեցինք: Սակայն շատ հեշտ գնդակ ընդունեցինք մեր դարպասը: Բայց շարունակեցինք պայքարել և հաղթեցինք»,- «Արմենպրես»-ի հաղորդմամբ՝ լրագրողների հետ հանդիպման ժամանակ ասաց ֆուտբոլիստը:
Չալըշըրի կարծիքով այսուհետ յուրաքանչյուր խաղ ավելի դժվարին և բարդ է լինելու: «Առավել կարևոր խաղ է առաջիկ Մակեդոնիայի դեմ հանդիպումը: Մարզվելու ենք ավելի շատ և անելու ենք մեր առավելագույնը»,-շեշտեց նա:
Ֆուտբոլի Ազգերի լիգայի առաջին խաղում Հայաստանի ֆուտբոլի ազգային թիմը Երևանում 2:1 հաշվով հաղթեց Լիխտեշտեյնի ընտրանուն: Հավաքականի կազմում աչքի ընկան Մարկոս Պիզելին և Տիգրան Բարսեղյանը:
Բաժանորդագրվեք մեր ալիքին Telegram-ում