Մենք կարող էինք ավելի շատ գոլեր խփել. Արազ Օզբիլիս
ԵՐԵՎԱՆ, 7 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի ֆուտբոլի ազգային թիմի կիսապաշտպան Արազ Օզբիլիս կարծքով մեր ընտրանին կարող էր ավելի շատ գոլեր խփել Լիխտենշտեյնին:
«Դժվար հանդիպում էր: Առաջին գոլից հետո շուտ գոլ ընդունեցինք սեփական դարպասը: Սակայն ամենակարևորը երեք միավորն է, որ վաստակել ենք: Պետք է շուտ նախապատրաստվել մյուս խաղին: Մենք կարող էինք ավելի շատ գոլեր խփել»,-«Արմենպրես»-ի հաղորդմամբ՝ լրագրողների հետ հանդիպման ժամանակ ասաց Օզբիլիսը:
Կիսապաշտպանի կարծիքով Մակեդոնիայի դեմ Հայաստանի ընտրանուն դժվար խաղ է սպասվում և պետք է հասկանալի, թե ինչը կարելի է ավելի լավ անել հաջորդ խաղին:
Ֆուտբոլի Ազգերի լիգայի առաջին խաղում Հայաստանի ֆուտբոլի ազգային թիմը Երևանում 2:1 հաշվով հաղթեց Լիխտեշտեյնի ընտրանուն: Հավաքականի կազմում աչքի ընկան Մարկոս Պիզելին և Տիգրան Բարսեղյանը:
Բաժանորդագրվեք մեր ալիքին Telegram-ում