ԵՐԵՎԱՆ, 6 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանը ամառային պատանեկան Օլիմպիական խաղերին կմասնակցի 7 մարզիկով:

«Արմենպրես»-ի հաղորդմամբ՝ այս մասին հայտնում է ՀԱՕԿ-ը: Բուենոս Այրեսի ստուգատեսում մեր երկիրը կներկայացնեն յոթ մարզաձևերի պատվիրակներ: Ծանրամարտում  մեր երկիրը կներկայացնեն Կարեն Մարգարյանը (77կգ) և Լիանա Գյուրջյանը (+63կգ), հունահռոմեական ըմբշամարտում ` Սահակ Հովհաննիսյանը (60 կգ) ,հրաձգությունում`Հայկ Բաբայանը (ատրճանակ), թաեքվոնդոյի մրցումներում ` Անդրանիկ Խաչատրյանը (73կգ), լողում` Արթուր Բարսեղյանը (ազատ ոճ 50մ,100մ և բատերֆլայ 50մ), գեղարվեստական մարմնամարզությունում` Յուլիա Վոդոպյանովան և ձյուդոյում` Յուրի Իսրայելյանը (55կգ):

Պատանեկան Օլիմպիական խաղերը կկայանան հոկտեմբերից 6-18-ը: Ընդհանուր հաշվով խաղերում հայտավորված 15-18 տարեկան 206 երկրների 3926 մասնակիցներ 32 մարզաձևերում կվիճարկեն խաղարկվող մեդալները: Մրցումների ընթացքին կհետևեն նաև տարբեր պետությունների 1950 պաշտոնյաներ: