Էդգար Ստեփանյանը կմասնակցի Օմսկում և Աստանայում կայանալիք մրցաշարերին
12:01, 6 Սեպտեմբեր 2018
ԵՐԵՎԱՆ, 6 ՍԵՊՏԵՄԲԵՐԻ, ԱՐՄԵՆՊՐԵՍ: Հեծանվասպորտի Եվրոպայի չեմպիոն Էդգար Ստեփանյանը կմասնակցի Օմսկում և Աստանայում կայանալիք մրցաշարերին:
«Արմենպրես»-ին այս մասին տեղեկացրին հեծանվասպորտի ֆեդերացիայից: Եվրոպայի առաջնությունում գրանցած հաջողություններից հետո ՀՀ հեծանվային մարզաձևի ազգային հավաքականի լավագույն մարզիկ Էդգար Ստեփանյանի առաջնային նպատակն այժմ Աշխարհի գավաթի խաղարկության փուլերում միավորներ նվաճելն է։
Սեպտեմբերի 7-9-ին ՌԴ Օմսկ քաղաքում նա կմասնակցի վարկանիշային միջազգային մրցաշարին, այնուհետև սեպտեմբերի 12-14-ին՝ Ղազախստանի մայրաքաղաք Աստանայում կայանալիք մրցաշարին, որտեղ ևս խաղարկվելու են Աշխարհի գավաթի միավորներ։
Բաժանորդագրվեք մեր ալիքին Telegram-ում