Նադալը մոտ 5 ժամ ձգված մրցախաղից հետո դուրս եկավ ԱՄՆ բաց առաջնության կիսաեզրափակիչ
ԵՐԵՎԱՆ, 5 ՍԵՊՏԵՄԲԵՐԻ, ԱՐՄԵՆՊՐԵՍ: Թենիսի աշխարհի առաջին ռակետ Ռաֆայել Նադալը ԱՄՆ բաց առաջնության կիսաեզրափակիչում է:
«Արմենպրես»-ի հաղորդմամբ` տղամարդկանց մենախաղի քառորդ եզրափակիչում Նադալի հակառակորդը Ավստրիան ներկայացնող Դոմինիկ Տոմն էր: 4 ժամ 49 րոպե ձգված մրցախաղում իսպանացին կամային հաղթանակ տոնեց 0:6, 6:4, 7:5, 6:7 (4:7), 7:6 (7:5) հաշվով:
ԱՄՆ բաց առաջնության եզրափակիչի ուղեգրի համար Նադալը կմրցի Արգենտինան ներկայացնող Օլիմպիական խաղերի փոխչեմպիոն Խուան Մարտին դել Պոտրոյի հետ:
ԱՄՆ բաց առաջնությունն անցկացվում է 1881 թվականից: Այն համարվում է «Մեծ սաղավարտի» չորս մրցաշարերից մեկը (մյուս երեքը՝ Ուիմբլդոն, Ավստրալիայի բաց առաջնություն, Ռոլան Գարոս): Տղամարդկանց մենախաղի գործող չեմպիոնը Ռաֆայել Նադալն է, իսկ կանանցը` Սլոան Սթիվենսը: Մրցաշարը կեզրափակվի սեպտեմբերի 8-ին:
Բաժանորդագրվեք մեր ալիքին Telegram-ում