1000х90.jpg (78 KB)

Երևանում՝ 11:07,   29 Մարտ 2024

Արձագանք, որ արդեն իսկ տեղ է գտել վարչապետ Նիկոլ Փաշինյանի տնտեսական բարեփոխումների ծրագրում

Արձագանք, որ արդեն իսկ տեղ է գտել վարչապետ Նիկոլ Փաշինյանի տնտեսական 
բարեփոխումների ծրագրում

ԵՐԵՎԱՆ, 30 ՕԳՈՍՏՈՍԻ, ԱՐՄԵՆՊՐԵՍ: Քուվեյթահայ գործարար, հրապարակագիր Կիրակոս Գույումջյանը ողջունելի է համարում Հայաստանի զբոսաշրջության ոլորտում բարեփոխումների իրականացման ՀՀ կառավարության պատրաստակամությունը: Անդրադառնալով իր կողմից մշակված «Գնեցեք Հայաստանից» նախաձեռնությանը՝ գործարարն իր նամակում գրում է.

«Թավշյա հեղափոխությանը հաջորդող ժամանակաշրջանը լավատեսության նոր էջ է բացել Հայաստանի Հանրապետության պատմության մեջ: Մի քանի ամիսները բավարար էին, որպեսզի վիճակագրական տվյալները դրական ցուցանիշ արձանագրեն երկրի տարբեր բնագավառներում:

Այս իմաստով բավական հետաքրքրական էր Հայաստանի Հանրապետության վարչապետ Նիկոլ Փաշինյանի՝ օգոստոսի 22-ի երեկոյան տեղի ունեցած ուղիղ կապը:

Վարչապետը լուսարձակի տակ առավ Հայաստանի տնտեսական, կրթական, մարզերը զարգացնելու կարողություններն ու ներկայացրեց լուծումները:

Վարչապետ Նիկոլ Փաշինյանի հանդիպմանը հետևող հայը՝ լինի Սփյուռքում, թե հայրենիքում, անմիջապես հասկանում է ընկերային արդարության վրա հենված պետություն կառուցելու նրա վճռականությունը: Վարչապետի անկեղծ, անշահախնդիր մոտեցումները, առաջարկները, սրտաբաց հայտարարությունները ոչ միայն հուսադրիչ են, այլև հայրենիքը միասնաբար կառուցելու հրավեր:

Անդրադառնալով բարգավաճ տնտեսություն ստեղծելու կարողություններին՝ վարչապետը ներկայացրեց զանազան նախաձեռնություններ: Բոլորը գնահատելի են: Ողջունելի զուգադիպությամբ Հայաստան այցելող զբոսաշրջիկների պարագայում վարչապետն անդրադարձավ Հայաստանի մեջ նրանց կեցության հարցին, ինչպես նաև վերադարձի համար գնումները Հայաստանից կատարելու նախաձեռնությանը: Այս ծրագիրը մեկ ամիս առաջ ներկայացրել էի Հայաստանի սփյուռքի նախարար Մխիթար Հայրապետյանին, ում հավանությունը ստանալով, Քուվեյթ վերադառնալուց հետո մշակեցի կոչ՝ ընտրելով «Գնեցեք Հայաստանից» (Shop in Armenia) կարգախոսը: Դիմեցի համայն հայությանը, Հայաստան այցելող բոլոր սփյուռքահայերին՝ խնդրելով Հայաստանից կատարել իրենց կեցության գնումները: Նախաձեռնությունս դրական արձագանք գտավ սփյուռքահայ և հայրենական մամուլում: Սփյուռքի և հայրենական օրաթերթերը, շաբաթաթերթերը, լրատվական կայքերն անմիջապես ընդառաջեցին «Գնեցեք Հայաստանից» նախաձեռնությանը:

Կարծում եմ աներկբա է, որ գաղափարի իրականացումը մեծապես նպաստելու է վճարային հաշվեկշռի դրական դինամիկային, քանզի ապահովելու է արտարժույթի նշանակալի մուտք Հայաստանի տնտեսություն: Սա կնպաստի նաև տնտեսության և տնտեսական ակտիվության աճին, հետևաբար և ՀՆԱ-ի առավել բարձր ցուցանիշների արձանագրմանը:

Վերոհիշյալ առաջարկությանս մասին վարչապետի նախանձախնդրությանն ականատես դառնալով, իբրև հայ և հայրենիքի վերելքով ապրող անհատ, հպարտ և շնորհակալ եմ, որ վարչապետ Նիկոլ Փաշինյանն արժևորում է գաղափարը և հանդես գալիս միևնույն նախաձեռնությամբ: Փաստորեն, ընդունել էր առաջարկս:

Այս տողերը գրում եմ ոչ թե այն հավակնությամբ, որ նախաձեռնությունը ընդունվել է վարչապետի կողմից, այլ իբրև հայրենիքի շահերը փնտրող և պահպանող հայ անհատ: Միևնույն ժամանակ համոզված եմ, որ քանի-քանի սփյուռքահայեր գործնական առաջարկներով և օրինակով կարող են իրենց բարոյական և նյութական օժանդակությունը բերել Հայաստանին և Արցախին:

Կիրակոս Գույումջյան

Քուվեյթահայ  գործարար, հրապարակագիր»:

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]