ՀՀ առողջապահության նախարարը կհանդիպի ռուս գործընկերոջը
ԵՐԵՎԱՆ, 28 ՕԳՈՍՏՈՍԻ, ԱՐՄԵՆՊՐԵՍ: ՀՀ առողջապահության նախարար Արսեն Թորոսյանի գլխավորած պատվիրակությունը Մոսկվայում կհանդիպի ՌԴ առողջապահության նախարար Վերոնիկա Սկվորցովայի հետ:
«Արմենպրես»-ի փոխանցմամբ` այս մասին ասված է ՀՀ առողջապահության նախարարության պաշտոնական կայքում:
«ՀՀ առողջապահության նախարարի գլխավորած պատվիրակությունը Մոսկվայում է: Նախատեսված է նախարար Արսեն Թորոսյանի հանդիպումն իր ռուս գործընկերոջ` Վերոնիկա Սկվորցովայի հետ: ՀՀ և ՌԴ առողջապահության նախարարների քննարկման օրակարգում են երկկողմ գործակցության առավել սերտացման, ներկայիս բարձր մակարդակի հարաբերություններին նոր խթան հաղորդելու, համատեղ ծրագրերի ընթացքին առնչվող հարցեր»,- նշված է հայտարարությունում:
Մոսկվա այցի ընթացքում նախատեսված է հանդիպում նաև ՌԴ սպառողների իրավունքների պաշտպանության և մարդու բարեկեցության ոլորտում վերահսկողության դաշնային ծառայության ղեկավար Աննա Պոպովայի հետ:
Բաժանորդագրվեք մեր ալիքին Telegram-ում