Մշակվել է մշակույթի նախարարության նոր կազմակերպական կառուցվածքի նախագիծը
15:49, 27 Օգոստոս 2018
ԵՐԵՎԱՆ, 27 ՕԳՈՍՏՈՍԻ, ԱՐՄԵՆՊՐԵՍ: ՀՀ մշակույթի նախարարությունը մշակել է նոր կազմակերպական կառուցվածքի նախագիծ, որը թույլ կտա հստակ տարանջատել գերատեսչության բոլոր ստորաբաժանումները:
«Արմենպրես»-ի հաղորդմամբ՝ այս մասին ասաց ՀՀ մշակույթի նախարար Լիլիթ Մակունցը՝ ամփոփելով իր պաշտոնավարման 100 օրը:
«Շատ կարևոր ենք համարում այս նախագիծը, որովհետև մեր նախարարության աշխատանքների արդյունավետությունը պայմանավորված է հենց կազմակերպական կառուցվածքով: Այս նախագծի շնորհիվ հստակ կտարանջատվեն ու կսահմանվեն բաժինները, ստորաբաժանումները»,- ընդգծեց նախարարը:
Բաժանորդագրվեք մեր ալիքին Telegram-ում