1000х90.jpg (78 KB)

Երևանում՝ 11:07,   28 Մարտ 2024

Սոցիալական ապահովության ծառայությունները պետք է վերադարձվեն նախարարության ենթակայության տակ. Մանե Թանդիլյան

Սոցիալական ապահովության ծառայությունները պետք է վերադարձվեն 
նախարարության ենթակայության տակ. Մանե Թանդիլյան

ԵՐԵՎԱՆ, 22 ՕԳՈՍՏՈՍԻ, ԱՐՄԵՆՊՐԵՍ:  Աշխատանքի և սոցիալական հարցերի նախարարությունը պատրաստվում է սոցիալական ապահովության ծառայությունները վերադարձնել նախարարության ենթակայության տակ: «Արմենպրես»-ի հաղորդմամբ` լրագրողների հետ զրույցում այս մասին հայտնեց ՀՀ աշխատանքի և սոցիալական հարցերի նախարար Մանե Թանդիլյանը:

Նախարարի խոսքով` սոցիալական ապահովության ծառայություններում կատարվող չարաշահումների մասին լուրերը մեծ ազդեցություն են ունենում նախարարության հեղինակության վրա, սակայն այդ ծառայությունները որևէ առնչություն չունեն նախարարության հետ:

«Դրանք նախարարության ենթակայության ներքո չեն: Սոցիալական ապահովության ծառայությունները կա՛մ համայնքի ենթակայության ներքո են, կա՛մ՝ մարզպետարանի: Այդ աշխատակիցները մեր նախարարության հետ որևէ առնչություն չունեն: Նրանց չարաշահումների արդյունքում խոցելի են դառնում այն խմբերը, և չարաշահվում են այն մարդկանց գումարները, ովքեր պետության հովանու ներքո են»,- ասաց Թանդիլյանը:

Ըստ նրա` այստեղ նախարարությունը ունի բացահայտ հեղինակության ռիսկ, որովհետև քաղաքացին այդ պահին չի մտածում, որ սոցիալական ապահովության ծառայությունները նախարարության հետ որևէ առնչություն չունեն:

«Ակնհայտ է, որ սա մեր հեղինակության վրա է ազդում և մենք ստիպված ենք անդրադառնալ ու հասկանալ, թե ինչպես տալ այս խնդրին լուծում: Առաջին լուծումը, որ անելու ենք՝ այդ կառույցները վերադարձնելու ենք նախարարություն, որպեսզի կարողանանք վերահսկել ռիսկը»,- ընդգծեց Թանդիլյանը:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]