Ժամանակը Երևանում՝ 11:07:36,   22 Սեպտեմբեր

Ոստիկանությունը շարունակելու է պայքարել գիշերային ժամերին քաղաքացիների հանգիստը խախտողների դեմ


ԵՐԵՎԱՆ, 21 ՕԳՈՍՏՈՍԻ, ԱՐՄԵՆՊՐԵՍ: Հայաստանի Հանրապետության ոստիկանությունը կշարունակի պայքարը գիշերը քաղաքացիների անդորրը խախտողների դեմ: «Արմենպրես»-ի հաղորդմամբ՝ լրագրողների հետ զրույցում այս մասին հայտնեց ՀՀ ոստիկանության պետ Վալերիյ Օսիպյանը:

«Ժամը 23:00-ից հետո քաղաքացիների անդորրը խախտողների հարցը՝ հրավառությունները, գիշերային ակումբների աղմուկը, մշտապես եղել և մնում է ոստիկանության ուշադրության կենտրոնում»,- նշեց ՀՀ ոստիկանապետը:

Վալերի Օսիպյանը պատրաստ է շարունակել անողոք պայքարը քաղաքացիների գիշերը անդորրը խախտողների դեմ: «Կա մի խնդիր. երբ ոստիկանները մոտենում են տվյալ ժամանցի կետին, որտեղից բողոք է եղել, որ աղմուկը խանգարում է բնակիչներին՝ երաժշտության ձայնն անմիջապես իջեցվել է, ապա, հեռանալուն պես՝ կրկին բարձրացվել»,- ընդգծեց ՀՀ ոստիկանապետը:

Օսիպյանը հավաստիացրեց, որ ոստիկանությունը կշարունակի աշխատել այս ուղղությամբ, սակայն քաղաքացիներից նույնպես ակտիվ մասնակցություն խնդրեց:




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ