ԱՄՆ-ի արդարադատության նախարարությունը լրտեսության մեղադրանք Է առաջադրել երկու իրանցիների
10:31, 21 Օգոստոս 2018
ԵՐԵՎԱՆ, 21 ՕԳՈՍՏՈՍԻ, ԱՐՄԵՆՊՐԵՍ: Երկու իրանցիներ մեղադրվում են ԱՄՆ-ի տարածքում իրենց երկրի կառավարության օգտին լրտեսության մեջ, նրանց կարող Է սպառնալ ընդհանուր առմամբ 35 տարվա բանտարկություն, եթե նրանց մեղքն ապացուցվի բոլոր երեք կետերով:
Այս մասին, ինչպես տեղեկացնում Է «Արմենպրես»-ը, ասված Է արդարադատության նախարարության հայտարարության մեջ: Դրանում նշված Է, որ Իրանի 38 եւ 59 տարեկան երկու քաղաքացիներ գործել են Կալիֆոռնիայի նահանգի տարածքում եւ «իրականացրել գաղտնի լրտեսում ԱՄՆ-ում Իսրայելի եւ հրեական օբյեկտների նկատմամբ, ինչպես նաեւ տեղեկատվություն են հավաքել ամերիկացի այն քաղաքացիների վերաբերյալ, որոնք (Իրանի կառավարությանն ընդդիմադիր) «Մոջահեդին Է խալք» (կազմակերպության) անդամներ են, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում