Երևանում՝ 11:07,   19 Մարտ 2024

Ոստիկանները բացահայտել են Շենգավիթում կատարված դանակահարությունը

Ոստիկանները բացահայտել են Շենգավիթում կատարված դանակահարությունը

ԵՐԵՎԱՆ, 20 ՕԳՈՍՏՈՍԻ, ԱՐՄԵՆՊՐԵՍ: Ոստիկանները բացահայտել են Չարբախում կատարված դանակահարությունը: 

Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի և լրատվության վարչությունից, դեպքից րոպեներ անց մի տղամարդ Չարբախի բաժանմունքում հայտնել է, որ Շարուրի փողոցի շենքերից մեկի մոտ իրեն ծեծել են: Դանակահարության մասին քաղաքացին, որի դեմքն արյունոտ է եղել, իսկ ճակատին՝ քերծվածքներ,  չի նշել: 

Ոստիկանները շտապօգնություն են կանչել, տուժողը տեղափոխվել է «Էրեբունի» բժշկական կենտրոն, որտեղից քիչ անց ոստիկանության Չարբախի բաժանմունքում ահազանգ է ստացվել, որ տղամարդը ճակատի քերծվածքներից բացի, որովայնի շրջանում կտրած-ծակած թափանցող վերք ունի: 

Ոստիկաններն անհետաձգելի որոնողական աշխատանքներ են սկսել: Դանակահարությունը բացահայտվել է ժամեր անց` համայնքային ոստիկանության բաժանմունքում ստացված տեղեկություններն իրացնելու արդյունքում:
Համայնքային ոստիկանները նախ ճշտել էին, թե դեպքը որտեղ է կատարվել, ապա բնակիչների շրջանում իրականացրած հարցումների արդյունքում պարզել, որ տուժողին մարմնական վնասվածք է պատճառել Շարուրի փողոցի բնակիչ Նվեր Բաղդասարյանը: Նույն օրը նշված փողոցից Բաղդասարյանը բերման է ենթարկվել ոստիկանության Շենգավիթի բաժին:

Նվեր Բաղդասարյանը հենց իրենց շենքի շքամուտում է դանակահարել տուժողին, որն, ըստ նախնական տվյալների, ալկոհոլի ազդեցության տակ բարձրաձայն հայհոյել է` չընդունելով շենքի բնակիչների դիտողությունները, վեճի բռնվել Բաղդասարյանի հետ:

Ոստիկանությունը պարզում է հանգամանքները: Նշանակվել է դատաբժշկական փորձաքննություն: Նվեր Բաղդասարյանը ձերբակալված է: Հարուցված քրեական գործի նախաքննությունը շարունակվում է:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]