Ժամանակը Երևանում՝ 11:07:36,   22 Սեպտեմբեր

Հունվար-հուլիս ամիսներին աճ է արձանագրվել Հայաստանի տնտեսության բոլոր ճյուղերում. ԱՎԾ


ԵՐԵՎԱՆ, 20 ՕԳՈՍՏՈՍԻ, ԱՐՄԵՆՊՐԵՍ: Հունվար-հուլիս ամիսներին աճ է արձանագրվել Հայաստանի տնտեսության բոլոր ճյուղերում:

«Արմենպրես»-ի հաղորդմամբ` ՀՀ ազգային վիճակագրական ծառայության օգոստոսի 20-ի տվյալներով` արդյունաբերական արտադրանքի ծավալը 2018 թ. հունվար-հուլիս ամիսներին կազմել է 104.3 տոկոս (954 567.2 միլիոն դրամ), գյուղատնտեսության համախառն արտադրանքի ծավալը` 104.6 տոկոս (363 234.7  միլիոն դրամ):

Հայաստանում շինարարության ոլորտում ևս այս տարվա 8 ամսում աճ է արձանագրվել` 10.4 տոկոս. երկրում կատարվել է 162 միլիարդ 734 միլիոն դրամի շինարարություն: Առեւտրի շրջանառությունը նախորդ տարի կազմել է 108.9 տոկոս (1 507 262.5 միլիոն դրամ), ծառայությունների ծավալը` 118.7 տոկոս (933 650 միլիոն դրամ): Էլեկտրաէներգիայի արտադրության ծավալը Հայաստանում անցած տարվա ընթացքում աճել է 0.8 տոկոսով:

Միջին ամսական անվանական աշխատավարձն աճել է 4 տոկոսով. պետական հատվածում աճը կազմել է 1.1, մասնավորում` 4.8 տոկոս:   26.8 տոկոս աճ է արձանագրվել արտաքին ապրանքաշրջանառության ծավալներում: Միաժամանակ, արտահանումն աճել է 17.3 տոկոսով (1 363.1 միլիարդ դրամ), իսկ ներմուծումը` 32.1 տոկոսով (2 726.7 միլիարդ դրամ):  




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ