Ժամանակը Երևանում՝ 11:07:36,   24 Սեպտեմբեր

Պուտին-Մերկել հանդիպմանը մանրամասն քննարկվել է Սիրիայի խնդիրը


ԵՐԵՎԱՆ, 19 ՕԳՈՍՏՈՍԻ, ԱՐՄԵՆՊՐԵՍ: Գերմանիան, Ռուսաստանը, Ֆրանսիան եւ Թուրքիան շարունակում են քննարկել սիրիական խնդրի կարգավորումը: Քառյակի ձեւաչափը քննարկվել է ՌԴ նախագահ Վլադիմիր Պուտինի եւ Գերմանիայի կանցլեր Անգելա Մերկելի հանդիպմանը:

Ինչպես տեղեկացնում Է «Արմենպրես»-ը՝ հղում անելով ՏԱՍՍ-ին, այս մասին հայտնել է ՌԴ նախագահի մամլո  քարտուղար Դմիտրի Պեսկովը:

«Որոշվել է այս ձեւաչափով երկխոսությունը շարունակել փորձագիտական մակարդակում, օգնականների մակարդակում,  որպեսզի,  հնարավոր է, առաջիկայում քննարկումների մակարդակը ավելի բարձրացվի»,-ասել է Պեսկովը՝ պատասխանելով առաջիկայում 4 ղեկավարների գագաթնաժողովի անցկացման հնարավորության մասին հարցին: Նա հավելել է, որ  առայժմ որեւէ պայմանավորվածություն չկա:

Ավելի վաղ տեղեկություն էր տարածվել, որ Ռուսաստան-Թուրքիա-ֆրանսիա-Գերմանիա գագաթնաժողովը հնարավոր է տեղի ունենա սեպտեմբերի 7-ին, Ստամբուլում: Հանդիպման առաջարկով հանդես էր եկել Թուրքիայի նախագահը:

Մերկել-Պուտին հանդիպմանը անդրադարձ է եղել նաեւ  փախստականների խնդիրին: Պուտինը եվրոպական պետությունների ղեկավարներին կոչ է արել ակտիվորեն նպաստել սիրիացի փախստականների վերադարձին իրենց բնակավայրերը:

Պեսկովը նշել է,  որ Պուտինն ու Մեկելը մանրմասն քննարկել են սիրիական խնդիրը: 




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ