Ժամանակը Երևանում՝ 11:07:36,   26 Սեպտեմբեր

Վերջին 100 տարում առաջին անգամ Բրազիլիայի հավաքական է հրավիրվել երկրից դուրս ծնված ֆուտբոլիստ


ԵՐԵՎԱՆ, 18 ՕԳՈՍՏՈՍԻ, ԱՐՄԵՆՊՐԵՍ: «Մանչեսթեր Յունայթեդ»-ի կիսապաշտպան Անդրեաս Պերեյրան հրավեր է ստացել Բրազիլիայի ազգային հավաքականից՝ սեպտեմբերի 8-ին և 12-ին ԱՄՆ-ի ու Սալվադորի ընտրանիների հետ ընկերական մրցավեճերին մասնակցելու համար: Ինչպես փոխանցում է «Արմենպրես»-ը, վկայակոչելով Sky Sports-ը, 22-ամյա Պերեյրան Բրազիլիայի հավաքականում վերջին 100 տարվա ընթացքում դարձել է առաջին ֆուտբոլիստը, ով ծնվել է երկրից դուրս: Կիսապաշտպանը ծնվել է Բելգիայում և հանդես եկել այդ երկրի մինչև 13 և 15 տարեկանների հավաքականներում:

Վերջին անգամ Բրազլիլիայի հավաքական հրավիրվել է երկրից դուրս ծնված ֆուտբոլիստ՝ 1918 թվականին:

Այս տարի Պերեյրան «Մանչեսթեր Յունայթեդ»-ի կազմում անցկացրել է մեկ խաղ, իսկ նախորդ մրցաշրջանում վարձակալական հիմունքներով հանդես էր գալիս իսպանական «Վալենսիա»-ում:   




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ