ՃՈ-ն կանցնի վարորդների աշխատանքի գնահատման բալային համակարգի. Օսիպյան
ԵՐԵՎԱՆ, 16 ՕԳՈՍՏՈՍԻ, ԱՐՄԵՆՊՐԵՍ: Հայաստանի Հանրապետության Ճանապարհային ոստիկանությունը կանցնի վարորդների աշխատանքի գնահատման բալային համակարգին: Կառավարության նիստից հետո լրագրողների հետ զրույցում այդ մասին նշեց ՀՀ ոստիկանապետ Վալերի Օսիպյանը:
Նրա խոսքով՝ նորարարությունը նախատեսվում է ներդնել աշնանը: «Բալային համակարգը զսպող գործոն կհանդիսանա և կնպաստի կարգապահության բարձրացմանը ավտոճանապարհների վրա և ծանր ավտովթարների թվի կրճատմանը»,- «Արմենպրես»-ի փոխանցմամբ, համոզմունք հայտնեց Վալերիյ Օսիպյանը:
Վարորդների աշխատանքի գնահատման բալային համակարգը ենթադրում է, որ յուրաքանչյուր տարի վարորդներին տրամադրվելու է որոշակի բալ, որը նվազելու է յուրաքանչյուր խախտումից հետո: Յուրաքանչյուր խախտում իր հերթին ունենալու է բալային նիշ և դրանց համապատասխան էլ նվազելու են վարորդների բալերը: Երբ որևէ վարորդի բալերը՝ նվազելով կհասնեն զրոյի, վարորդը որոշ ժամանակով կզրկվի վարորդական իրավունքից:
Բաժանորդագրվեք մեր ալիքին Telegram-ում