80-ից ավելի անտառային հրդեհներ են մոլեգնում Ավստրալիայի հարավ-արեւելքում
10:52, 16 Օգոստոս 2018
ԵՐԵՎԱՆ, 16 ՕԳՈՍՏՈՍԻ, ԱՐՄԵՆՊՐԵՍ: Շուրջ 650 մարդ եւ ավելի քան 40 միավոր ավիացիա են գործի դրված Ավստրալիայի հարավ-արեւելքի Նոր Հարավային Ուելսի նահանգում մոլեգնող անտառային հրդեհների դեմ մղվող պայքարում:
Այդ մասին, ինչպես տեղեկացնում Է «Արմենպրես»-ը, Twitter-ում հայտնել Է տեղի հրշեջ ծառայությունը: Գերատեսչության տվյալներով՝ նահանգի տարածքում գրանցվել Է 81 հրդեհ, որոնցից 38-ն առայժմ չի հաջողվել տեղափակել: «Գրեթե 650 հրշեջներ շարունակում են հրդեհների մարման աշխատանքը, նրանց օգնում Է ավելի քան 40 միավոր ավիացիոն տեխնիկա»,- ասված Է հաղորդագրության մեջ: Բռնկումների մարումը դժվարանում Է ուժեղ քամու պատճառով, ճշտել են ծառայությունում, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում