Ժամանակը Երևանում՝ 11:07:36,   21 Նոյեմբեր

Շանսերը մինիմալ են, բայց հավատում ենք մեր լավ խաղին ու հաղթանակին. Էդգար Մանուչարյան


ԵՐԵՎԱՆ, 15 ՕԳՈՍՏՈՍԻ, ԱՐՄԵՆՊՐԵՍ: Երևանի «Ալաշկերտ»-ի հարձակվող Էդգար Մանուչարյանը խոսել է Ռումինիայի չեմպիոն «Կլուժ»-ի դեմ Եվրոպայի լիգայի որակավորման երրորդ փուլի պատասխան խաղի մասին: «Պատասխան խաղից առաջ ունենք շատ լավ տրամադրություն: Չնայած հոգնած ենք, սակայն դա չխանգարեց անցկացնել լավ մարզում:

Ինչ վերաբերում է «Կլուժ»-ի հետ խաղին, իհարկե, շանսերը շատ մինիմալ են, բայց մենք հավատում ենք մեր լավ խաղին ու հաղթանակին: Պետք է ամեն ինչ փորձենք, հենց այնպես խաղը չենք տա, կպայքարենք մինչեւ վերջ եւ արդեն վերջում պարզ կլինի:

Արդեն շատ լավ մարզավիճակում եմ: Կարծում եմ՝ կարող եմ անցկացնել ամբողջ հանդիպում, ֆիզիկապես շատ լավ եմ զգում»,- «Արմենպրես»-ի փոխանցմամբ, Հայաստանի հավաքականի հարձակվողի խոսքը մեջբերում է «Ալաշկերտ»-ի մամուլի ծառայությունը:

Երևանում կայացած առաջին խաղում  «Ալաշկերտ»-ը պարտվել է 0:2 հաշվով: Պատասխան հանդիպումը կկայանա օգոստոսի 16-ին Ռումինիայում և կսկսվի Երևանի ժամանակով 21:00-ին: Այս դիմակայության հաղթողի հաջորդ մրցակիցը կլինի լեհական «Լեգիա»-ի (Վարշավա) ու Լյուքսեմբուգի «Դյուդելանժ»-ի միջև դիմակայության հաղթողը:

 




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ