1000х90.jpg (78 KB)

Երևանում՝ 11:07,   29 Մարտ 2024

ՌԴ Հարավային ռազմական օկրուգի ռազմաբազայի ԱԹՍ-ները Հայաստանի զորավարժարաններում հետախուզական թռիչքներ են իրականացրել

ՌԴ Հարավային ռազմական օկրուգի ռազմաբազայի ԱԹՍ-ները Հայաստանի 
զորավարժարաններում հետախուզական թռիչքներ են իրականացրել

ԵՐԵՎԱՆ, 14 ՕԳՈՍՏՈՍԻ, ԱՐՄԵՆՊՐԵՍ: Ռուսաստանի դաշնության Հարավային ռազմական օկրուգի Հայաստանում տեղակայված ռազմաբազայի անօդաչու թռչող սարքերը երկկողմ վաշտային մարտավարական զորավարժությունների շրջանակում «Կամխուդ» և «Ալագյազ» զորավարժարաններում պայմանական հակառակորդի կրակակետերի և ռազմական օբյեկտների  լուսա և տեսանկարահանման մոնիտորինգի առաջադրանքներ են իրականացրել: «Արմենպրես»-ի փոխանցմամբ` այս մասին ասված է Հարավային ռազմական օկրուգի մամուլի ծառայության տարածած հաղորդագրությունում:

«ԱԹՍ հաշվարկները կատարելագործել են տեղանքի օդային հետախուզման, պայմանական հակառակորդի կենդանի ուժի, օբյեկտների և ռազմական տեխնիկայի հայտնաբերման հմտությունները, որից հետո իրական ժամանակում դրանց կոորդինատները փոխանցել են ռազմաբազայի հրամանատարական կայան:

Անդրկովկասում զորամիավորման ԱԹՍ հաշվարկների հետ պարապմունքների յուրահատկությունն է ծովի մակարդակից ավելի քան 1500 մ բարձրության վրա և քամու մինչև 10 մ/վ պոռթկումների ուժգնության պայմաններում անօդաչու ավիացիոն տեխնիկայի կիրառումը:

Հայաստանում երկկողմ վաշտային մարտավարական զորավարժություններում ընդհանուր առմամբ ներգրավվել է ավելի քան 500 զինծառայող, այդ թվում` ԱԹՍ ավելի քանի 50 մասնագետ, ինչպես նաև շուրջ 100 միավոր ռազմական և հատուկ տեխնիկա»,- ասված է հաղորդագրությունում:

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]