Համացանցում հայտնվել Է տեսահոլովակ, որտեղ շիմպանզեն «ինքնաթիռ» Է խաղում ձագի հետ
ԵՐԵՎԱՆ, 14 ՕԳՈՍՏՈՍԻ, ԱՐՄԵՆՊՐԵՍ: Համացանցում հայտնվել Է Թաիլանդում նկարահանված տեսահոլովակ, որտեղ շիմպանզեն իր ձագի հետ «ինքնաթիռ» Է խաղում: Այդ մասին, ինչպես տեղեկացնում Է «Արմենպրես»-ը, հայտնել Է Daily Mail-ը: Մեջքին պառկած՝ կենդանին ձագին տեղավորում Է իր ոտնաթաթին եւ սկսում նրան թեթեւակի վերեւ նետել: Կադրերում երեւում Է, որ ձագին, ասենք նաեւ ծնողին, շատ Է դուր գալիս այն, ինչ տեղի Է ունենում: Խաղն ավարտվում Է քնքուշ գրկախառնություններով:
Գիտնականները կարծում են, որ վաղ տարիքում իրենց տեսակի այլ ներկայացուցիչների հետ փոխգործակցությունը երիտասարդ շիմպանզեների ուսուցման գործընթացի կարեւոր մասն Է. դա նրանց օգնում Է ապագայում ձեւավորել իրենց պահվածքը: Հետազոտություններից մեկի համաձայն՝ նրանք կարող են ճանաչել բարությունն ու կարեկցանքը՝ տեսնելով դրանց օրինակները համակեցության մեջ, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում