Կոլումբիայում 30 հազար մարդ Է տարհանվել հեղեղումների պատճառով
ԵՐԵՎԱՆ, 13 ՕԳՈՍՏՈՍԻ, ԱՐՄԵՆՊՐԵՍ: Հեղեղումների պատճառով առնվազն 30 հազար մարդ Է տարհանվել Կոլումբիայի հարավ-արեւմուտքի Մոկոա մունիցիպալիտետում, որն իշխանությունների կողմից հայտարարվել Է ազգային տարերային աղետի շրջան: Այդ մասին, ինչպես տեղեկացնում Է «Արմենպրես»-ը, հայտարարել Է շրջակա միջավայրի նախարար Ռիկարդո Լոսանոն:
«Երեսուն հազար մարդ տարհանված Է, չորս հոգի՝ հոսպիտալացված»,-նախարարի խոսքը մեջբերում Է RCN ռադիոկայանը: Լոսանոն հավելել Է, որ ջրի հոսքերը քանդել են երեք կամուրջ: Նաեւ հաղորդվում Է տների ավերման մասին, խախտվել Է խմելու ջրի մատակարարման համակարգը: «Մենք ուշադիր հետեւում ենք Մոկոայում ստեղծված իրադրությանը… Բարեբախտաբար, զոհեր չկան, բայց մենք իրադրությանը պետք Է հետեւենք շատ ուշադիր»,-հայտարարել Է Կոլումբիայի նախագահ Իվան Դուկեն, որի տեսաուղերձը հրապարակված Է Twitter-ի նրա միկրոբլոգում, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում