1000х90.jpg (78 KB)

Երևանում՝ 11:07,   28 Մարտ 2024

ՀՀԿ-ն Քոչարյանին կալանքի տակ պահելու հիմք չի տեսնում

ՀՀԿ-ն Քոչարյանին կալանքի տակ պահելու հիմք չի տեսնում

ԵՐԵՎԱՆ, 13 ՕԳՈՍՏՈՍԻ, ԱՐՄԵՆՊՐԵՍ: Հանրապետական կուսակցության կարծիքով` ՀՀ 2-րդ նախագահ Ռոբերտ Քոչարյանին կալանքի տակ պահելու համար բավարար հիմքեր չկան:

 «Արմենպրես»-ի փոխանցմամբ` այս մասին ԱԺ-ում լրագրողների հետ զրույցում ասաց Ազգային ժողովի փոխնախագահ Էդուարդ Շարմազանովը:

«Գտնում ենք, որ 2-րդ նախագահի նկատմամբ կիրառված կալանքի որոշումը իրավաչափ չէ, և ազատության մեջ գտնվելով՝ նա չի կարող խոչընդոտել արդարադատության իրականացմանը»,- ասաց Շարմազանովը:

Նրա խոսքով` որպես խափանման միջոց ընտրված կալանավորումը տարակուսելի է:

«Նորմալ չէ, երբ նման թերի պատճառաբանությամբ երկրորդ նախագահը կալանավորվում է: Նախկին նախագահին կալանավորելու համար բավարար հիմքեր են պետք, այդ հիմքերը ես չեմ տեսնում»,- նշեց փոխխոսնակը:

Շարմազանովն անդրադարձավ նաև Ռոբերտ Քոչարյանի խափանման միջոցը փոխելու համար գլխավոր դատախազին իրենց ներկայացրած միջնորդությանը՝ նշելով, որ նման պրակտիկա կիրառել են նաև մարտի 1-ին հաջորդող օրերին:

«2008թ.-ի մարտի 1-ի դեպքերից հետո դիմել եմ նախկին դատախազ Աղվան Հովսեփյանին` Սուրեն Սուրենյանցի խափանման միջոցը փոխելու համար: Դա պատգամավորի սահմանադրական իրավունքն է, և ես առաջ էլ, հիմա էլ օգտվել եմ այդ իրավունքից»,- ասաց Էդուարդ Շարմազանովը:

Ռոբերտ Քոչարյանի խափանման միջոցը փոխելու համար ստորագրահավաք էին իրականացրել  ՀՀ Ազգային ժողովի պատգամավորները: Ստորագրահավաքին միացել էր 45 պատգամավոր: ՀՀ Գլխավոր դատախազությունը մերժել էր պատգամավորների ներկայացրած միջնորդությունը:

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]